مكياااج ولف الطرحة للعروسه بالصور والشرح .......

في البداية مهم جدا العروسة تحدد كل شيء، وتختار كل حاجة قبل الفرح بوقت كاف.

على حسب حجم القاعة وعلى أساس اتساعها تحدد شكل الفستان والطرحة، أجواء الفرح هاترسم الخطوط الأساسية للمكياج بشكل عام.

مهم كمان اختيار خبيرة التجميل من البداية عشان هاتساعدها في اختيار كل
الإكسسوار المناسب ببساطة خبيرة التجميل اللي هتثقي فيها هي مستشارك
الأمين في ليلة العمر.

تعالوا ياللا نحط مكياج للعروسة

نبدأ بتنظيف البشرة كويس جداً باللوشن المناسب لنوع البشرة

ونحط كريم الأساس المناسب للون البشرة لكن يفضل اختيار لون فاتح عشان لما بنحط البودرة لون كريم الأساس بيغمق درجة..

نبدأ نوزع الكريم بالتساوي ونستخدم الاسفنجه الخاصة بكريم الأساس ونهتم بوضع درجة كريم فاتحة تحت العين.

نبدأ نوزع الكريم بالتساوي ونستخدم الاسفنجه الخاصة بكريم الأساس ونهتم بوضع درجة كريم فاتحة تحت العين.

نحط البودرة الشفافة على كريم الأساس على كامل الوجه وبفرشاة كبيرة تزيل البودرة الزيادة.. نصيحتي الفرشاة لازم تبقى ناعمة

وبعد كذا نحط بودرة بتلمع تحت العين..

وبقلم أسود نحدد تحت العين لأن العين صغيرة شوية لكن لو العين الكبيرة بيكون القلم جوه العين.

نحدد تحت العين عشان نكسر حدة اللون الأسود كتير مننا بيحتار في التعامل
مع شكل العين، نصيحتي العين الضيقة نثقل بالقلم من تحتها، والعين الواسعة
نثقل بالقلم من فوقها ومن تحت العين فاضي هذا بيعطي شكل حلو للعيون
الواسعة.

نسيح بالفرشاة القلم البني اللي حطيناه من فوق العين..

ونرسم العين على شكل "banana" مع رسمة الحواجب وبعد كذا نرسم تاني بالقلم الأسود خط فوق العين عشان تحديد الشكل.

نيجي للـ "eye shadow" نستخدم لون بني بيلمع ونبدأ نوزعه فوق الجفن
وبفرشاة صغيرة نسيح تحت العين ونرجع فوق تاني نعدل بفرشاة أكبر مكياج فوق
العين..

العروسة عاوزة تصغر أنفها شويه تحط من اللون البني على أجناب الأنف. وممكن
نستخدم اللون البني لتغميق درجة الوجه الفاتح قوي وبفرشاة كبيرة نخلي
البشرة لون واحد.

من الحاجات المهمة اهتمام العروسة برموشها وحواجبها قبل الفرح على الأقل
بشهر يعني لو رموشها خفيفة تحط عليهم زيت خروع كل يوم عشان تبقي رموشها
تقيلة وحلوة يوم فرحها.

نحط الماسكرا ونضيف رموشا صناعية لو الرموش لسه خفيفة في الطرف والوسط
وأول العين.. وبعد كده نتقل عليها الماسكرا نهتم بالماسكرا تحت العين عشان
توسع. "خلي بالك من نوع المادة اللاصقة للرموش عشان لو رديئة ممكن تسبب
احمرارا شديدا في العين أو تعمل مشكلة يصعب علاجها يوم الفرح

أما بالنسبة للحواجب وهي بالطبع خفيفة جداً عشان كده رسمناها باللون البني
على شكل ثمانية. نحط "eye shadow" فاتح تحت الحواجب بفرشاة مخصوصة للحواجب

نحط الـ"Blusher" والعروسة بتضحك عشان يكون اللون متوزع بدرجة واحدة ونتحرك من عظمة الخد إلى الأذن..

مهم نختار لون فاتح عشان ما يكونش ظاهر قوي مجرد لون بيدي نضارة للوجه.

نحدد الشفايف بـ"lip liner" خفيف ونحط عليه الروج لأن الموضة إن التحديد لا يظهر ويكون نفس لون درجة الروج..
ولو الشفايف صغيرة بنحاول نكبرها ولو العكس نعمل العكس..